1. შეზღუდული პასუხისმგებლობა

შპს “MIRELI”–ს ინტერნეტ-მაღაზიის გამოყენებით, თქვენ ეთანხმებით საიტის მოხმარების წესებს.
შპს “MIRELI” არ აგებს პასუხს არაოფიციალური ვებ-გვერდებიდან ან სოციალური ქსელების არაოფიციალური გვერდებიდან შესრულებულ შეკვეთებსა თუ ტრანზაქციებზე.
შპს “MIRELI”–ს ერთადერთი ოფიციალური ვებ-გვერდია – www.mireli.ge.

2. მარეგულირებელი კანონმდებლობა

შპს “MIRELI”–ს ინტერნეტ-მაღაზიით სარგებლობისას, თქვენ ადასტურებთ, რომ ნებისმიერი დავა ან უთანხმოება, რომელიც შეიძლება წარმოიშვას თქვენსა და შპს “MIRELI” შორის, რეგულირდება საქართველოს მოქმედი კანონმდებლობით.

3. ოფიციალური მიმართვა

შპს “MIRELI”–ს ოფიციალური მიმართვები და წერილები ჩაბარებულად ჩაითვლება, თუ ისინი მიწოდებული იქნება დაზღვეული ფოსტის მეშვეობით შემდეგ მისამართზე:
11 ალექსანდრე ყაზბეგის გამზირი, შპს “MIRELI” ოფისი.

4. პერსონალური ინფორმაციის დამუშავება

შპს “MIRELI” ვალდებულია დაიცვას მომხმარებლის პირადი მონაცემები საქართველოს კანონმდებლობის, მათ შორის, პერსონალურ მონაცემთა დაცვის შესახებ კანონმდებლობის შესაბამისად.

4.1 რა ინფორმაციას ვაგროვებთ

• მომხმარებლის მიერ მოწოდებული ინფორმაცია – თქვენი პირადი მონაცემები, რომლებიც შეყვანილია ინტერნეტ-მაღაზიაში (სახელი, გვარი, მისამართი, ტელეფონი, ელ. ფოსტა და ა.შ.).

• ავტომატურად მოწოდებული ინფორმაცია – თქვენს ინტერნეტ ბრაუზერში მოქმედი ტექნიკური მონაცემები, მათ შორის Cookies.

5. ინფორმაციის გადაცემა მესამე პირზე

• შეკვეთის სრულყოფილი მომსახურებისთვის, შპს “MIRELI” იყენებს მესამე მხარის სერვისებს, მათ შორის საბანკო და საკურიერო კომპანიებს.

• ასეთ შემთხვევაში, აუცილებელი პერსონალური ინფორმაცია (მიმღების სახელი, გვარი, მისამართი, საკონტაქტო ინფორმაცია, შეკვეთის დეტალები) გადაეცემა მხოლოდ სერვისის გაწევის მიზნით.

• მესამე პირზე სხვა სახის ინფორმაციის გადაცემა მოხდება მხოლოდ თქვენი წერილობითი თანხმობით.

6. მომხმარებლის პასუხისმგებლობა

• თქვენ ხართ პასუხისმგებელი თქვენი ანგარიშის და პაროლის უსაფრთხოებაზე.

• რეკომენდებულია ყოველთვის გამოიყენოთ “გასვლა” (Log out) ფუნქცია, როდესაც ტოვებთ კომპიუტერს ან მობილურ მოწყობილობას უყურადღებოდ.

7. მომხმარებლის წვდომა საკუთარ მონაცემებთან

• თქვენ შეგიძლიათ ნებისმიერ დროს შეცვალოთ, დაამატოთ ან წაშალოთ პირადი ინფორმაცია, რომელიც მითითებულია თქვენს პროფილში.

• რეგისტრირებულ მომხმარებლებს აქვთ სრული წვდომა საკუთარ მონაცემებზე ინტერნეტ-მაღაზიაში შესვლის შემდეგ.

8. წესების განახლება

• საქართველოს კანონმდებლობისა და კომპანიის მომსახურების პირობების ცვლილების შემთხვევაში, “MIRELI” იტოვებს უფლებას განაახლოს ეს დოკუმენტი.

• რეგისტრირებულ მომხმარებლებს ცვლილებების შესახებ ეცნობებათ ელ. ფოსტით და საიტზე შეტყობინების საშუალებით.

• არარეგისტრირებულ პირებს ვთხოვთ პერიოდულად შეამოწმონ განახლებული პირობები.

9. გადახდის მეთოდები

შპს “MIRELI”–ს საიტზე პროდუქციის შეძენა შესაძლებელია შემდეგი გზებით:

• ონლაინ გადახდა Visa / MasterCard ბარათით;

• განვადება (TBC ნაწილ-ნაწილ);

გაითვალისწინეთ: საიტზე წარმოდგენილი პროდუქციის შეძენა შესაძლებელია მხოლოდ საქართველოს საბანკო ბარათით.

10. კანონისმიერი გარანტია

თუ შეძენილი პროდუქტი (მუსიკალური ინსტრუმენტი ან აქსესუარი) აღმოჩნდება დეფექტური:

• მომხმარებელს აქვს უფლება მოითხოვოს პროდუქტის უსასყიდლოდ შეკეთება ან შეცვლა, ფასის შემცირება, ან ხელშეკრულებიდან გასვლა;

• შეკეთება ან შეცვლა უნდა განხორციელდეს 15 კალენდარულ დღეში ისე, რომ არ შეფერხდეს პროდუქტის გამოყენების შესაძლებლობა;

• ყველა საჭირო ხარჯს (ტრანსპორტირება, მასალები, სამუშაო ძალა) ფარავს “MIRELI”;

• თუ პროდუქტის შეკეთება ან შეცვლა შეუძლებელია, ან იწვევს არათანაზომიერ ხარჯს, მომხმარებელს უფლება აქვს მოითხოვოს თანხის დაბრუნება.